Sawal

Sawal^[1][2] (hurup Arap Gundul: شوال) ada bulan kesepulu deri almenak Selam atawa Hijriah. Ni bulan punya nama di basa Arapnya – Syawwāl (basa Arap: شوال), nyang asalnya deri kata شول š-w-l 'naèk'. Maksudnya, ni ada kaètannya ama onta perempuan nyang naèkin dia punya buntut pas mau ngebrojolin anaknya.

1. ↑ Grijns, C.D. (1991). Jakarta Malay. J. 2. KITLV Press. h. 119. Serènta juga' dengen macem pengocapan laènnya, kaya' Sawel.
2. ↑ Chaer, Abdul. (2009). Kamus Dialek Jakarta. K. Rép. Jakarta: Penerbit Masup Jakarta.